کلامیډیا څنګه انتقالیږي؟
پدې د اخته کیدو ترټولو عام لاره د کانډوم پرته جنسي نږدې والی دی، کله چې مخاطي غشا د یوبل سره ولګیږي. دا د مقعد (کونې) له لارې او د خولې له لارې جنسي عمل کې هم انتقالیږي. دا باکتریا یوازې ژوندي حجرو کې دننه ژوند کوي او د همدې لپاره د لاس ورکولو (روغبړ)، د سونا حمام بینچونو، کالیو، جان پاکونو یا تشنابونو له لارې نه انتقالیږي. د حمل په جریان کې نا درمل شوې کلامیډیا باکتریا د زیږون پرمهال ستاسې د ماشوم روغتیا د خطر سره مخ کولی شي.
زه څنګه معاینه کولی شم؟
د نارینه تناسلي آله لرونکي افراد د متیازو معاینې او ټیسټ ته اړتیا لري. د ښځینه تناسلي آله لرونکي افراد اړ دي چې د سویب یا د تناسلي غړي مایع معاینه وکړي (په ځینې کاونټیانو کې د متیازو معاینه هم شتون لري). که تاسې د وسټرا ګوټلینډ (Västra Götaland) سیمه، وسټر بوټین (Västerbotten) کاونټي، نوربوټن (Norrbotten) کاونټي یا ګاولیبورګ (Gävleborg) کاونټي کې ژوند کوئ کولی شئ د klamydia.se څخه د کلامیډیا ټیسټ توکي سره په کور کې دا معاینه اخیستل کیدی شي. دا معاینه د ځوانانو کلینیک، د جنسي روغتیا کلینیک یا د روغتیا مرکز کې هم شونې ده او وړیا ده. د معاینې پایله شاوخوا یوه اونۍ وخت نیسي.
د Klamydia.se له لارې په کور کې د معاینې اسانه او له احتیاط ډکه طریقه ده او په هماغه ورته لابرتوار کې تحلیل او معاینه کیږي کوم چې د ورځني او منظم طبي پاملرنې لپاره کارول کیږي.
د کور دننه ټیسټ د غوښتنې لپاره د نورو معلوماتو لپاره د Klamydia.se نه لیدنه وکړئ (بهرنی لنک)
څوک په کلامیډیا اخته کیدی شي؟
لدې چې کلامیډیا ډیر عام ده، نو هر هغه څوک چې د کانډوم (یا داخلي کانډوم) پرته جنسي نږدې والی یا عمل کوي پدې باکتریا د اخته کیدو خطر سره مخ دی. د کلامیډیا عفونیت د جنسي اړیکې له لارې انتقالیدونکی ترټولو عام باکتریایی عفونت دی.
علایم
ډیری خلک چې په کلامیډیا اخته دي هیڅ علایم یې نلري مګر بیا هم دا عفونت بل فرد ته تیرولی شي. که چیرې شتون ولري نو علایم یې د عفونت وروسته له یوې نه تر دریو اونیو کې راڅرګندیږي او ترټولو عام یې د متیازو کولو پرمهال سوزاک یا د متیازو سوځیدل دي. ځینې افراد ممکن د ښځینه تناسلي آلې د وینې بهیدنې سره هم مخ شي. د کلامیډیا باکتریا د اوږدې لپاره ساکت هم پاتې کیدلی شي او بیا یوناڅاپه د ستونزو یا د مستقیم اختلالاتو او پیچلتیاو لامل کیږي.
شنډوالی او فرعي ناروغۍ
د کلامیډیا نا درمل شوی عفونت د کونه ډوب د التهاب ناروغي لامل کیدی شي، چې دا بیا پخپله د ایکټوپیک حمل یا په راتلونکي کې د شنډوالي لامل کیدی شي. که تاسې نارینه تناسلي آله لرئ تاسې ممکن په ایپیډیډمیټیس (epididymitis)، پروستات (prostatitis)، یوریتریتیس (urethritis) اخته شئ او د دې امکان شتون لري چې ښیرازوالی مو کم شي. هرڅوک د دې له امله د ملتحمې او بندونو پړسوب سره مخ کیدی شي. د کلامیډیا عفونت باندې اخته حمل لرونکی یا حامله فرد د ماشوم د زیږون پرمهال ماشوم پدې اخته کولی شي، چې په پایله کې د ماشوم سترګې او سږي التهابي کیږي. د هغه ماشوم چې سږي یې په کلامیډیا اخته وي په راتلونکي ژوند کې د ساه بندۍ لوی خطر سره کیدی شي.
درملنه
د کلامیډیا عفونت درملنه په انټي بیوټیک درملو کیږي او وروسته بیا نورې درملنې ته اړتیا نشته. د جنسي اړیکې شریک هم باید معاینه وکړي او که لازمي وي نو درملنه هم وکړي. ډاکټر ته ورتګ او درمل یې وړیا دي.